يلا شنى المواقف الى صايره؟

هاى اهلين
خطرت فى بالى فكره
اكيد كنا فى ابله منحبهاش هى والماده متعها كل واحد
يقول اى ابله ماده ميحبهاش وشنى المقلب الى دار فيها
واكيد كل واحد صيرلا موقف محرج ومضحك
يلا انشطو وكل واحد يقول على الموقف الى صارله وشنى رده فعله يلا

احنا مرة مقعمزين و ابلة ...... تشرحلنا في الكيمياء و واحلة في روحها و منسجمة و الجميع منسجم
بعتالي اتطيح مش شعرها حاجة
و هي شخشير لحم ههههههههههههه تي حيه عل ضحك
مشت جامتها فيسا فيسا و جتنا اليوم اللي بعدها شارية توكة ( ستريتشا) جديدة و قالتلنا انا شعري صغير و شوية مينشدش و دوت هلبا دوة
عالعموم اللقطة متاعتها واضحة
انها شرت واحدة جديدة و قالتلنا ممكن تقولوا عليا ابلة قفاصة او بخيلة
لكن وجعتني هي و جو
شكرا عل موضوع

شكرا ليك نورتى ههههههههههههه

مواقف أيام المدرسة لا تعد و لا تحصى بس هذا ماخطر على بالي توا و هو مرة جتنا أبلة احتياطي و قعدت في الأول ساكتة من اللي خشت ليييين قريب نص الحصة و بعدين تكلمت و قالتلنا يلا نبي نحكيلكم على تاريخ زمان على أساس هي أبلة تاريخ و الله أعلم و بعدين قعدت تدوي في دوة أول مرة نسمعوها و تقول في حاجات غريبة مش راكبة على بعضها المهم احنا مافهمنا منها شي و الفصل كله صايرله ذهول من الموقف ههههههههههههه و بعدين كملت الحصة و طلعت ،، و تاني يوم سمعنا بأن هديكا الأبلة طيروها من المدرسة لأنها عندها حالة نفسية و تدوي في حاجات ماحدش يفهمها ( يعني اللي تتخيله في خيالها بس مش الواقع ) ههههههههههههه و هدا هو ههههههه